قصيدة واحدة تغيَّرك

**abo yosef** · **abo yosef** السبت مارس 28, 2020 1:49 pm

قصيدة واحدة تغيَّرك

من كل الف و ميت قصيدة بتعجبَك ..

في قصيدة واحدة بتوجعك ..

و قصيدة واحدة بتلهمك ..

و قصيدة واحدة بترسمك ..

و قصيدة واحدة ترجَّعَك ..

لحاجات خلاص عَدِّت زمان ..

من كل الف و ميت قصيدة بتعجبَك ..

في قصيده بتسيب المكان ..

و تروح لأبعد من حدود مرسومة ليك ..

حيث العَدَم .. حيث اللاشئ .. حيث الفراغ بالنسبة ليك ..

و ف لحظة ..

و ف لحظة يتشكل كيان ..

و جُمَل و تخبَّط عالبيبان ..

أفكار و أصوات و إختلاف ..

و آراء بتنشئ إئتلاف ..

و بتبتدي تعمَّر ف عقلك حِتَّة كانت أرض بور ..

و حاجات تقف ..

و حاجات تدور ..

تصرخ تثور ..

ترفض و تتمَنَّع و تسكت ..

ثم تبدأ تستكين ..

و بتكبر فكرة الجنين .. و تغيَّرك ..

من كل الف و ميت قصيدة بتعجبَك ..

في قصيدة واحدة تغيَّرك

بقلم : محمد مبارك

**Admin** · **Admin** السبت مارس 28, 2020 2:39 pm

تسلم أبدعاتك

أستاذ : محمد مبارك

كلمات حقاً فى غاية الجمال

دائما تحلق بقلمك فى سماء الأبداع

: أضواء القلوب

رد: قصيدة واحدة تغيَّرك