تحرير الدعاء

**Admin** · **Admin** الجمعة فبراير 28, 2020 11:30 am

لو عاوز تحمص عيش الفتة .. هتحطه في طاسة وتنزل عليه بحتة سمنة محترمة، وشوية فلفل إسود وتبدأ تقليب .. بس ممكن تفضل تقلب طول اليوم والسمنه متسحش ! .. عارف ليه ؟ .. لأنك مولعتش النار!.

في ناس بتعمل كل حاجة صح بس بتيجي علي آخر خطوة وتنساها .. فتبوظ اللي بتعمله .

والكلام ده برضه بيحصل مع الدعاء .. لأن لازم يكون في شرارة تحركة .. توصله لباب الاستجابة والقبول ، ومن غيرها غالبًا بتبقي كأنك مدعتش أصلاً ، وتفضل الدعوة متعلقة بين السماء والارض .. طيب أعمل إيه عشان دعوتي توصل وتستوي ! .. مفيش غير حل واحد وهو إنك بعد ما تدعي تصلي علي النبي .. زي مثلاً تقول : يارب إكرمني وإرزقني وإشفيني ووفقني ، وصل وسلم وبارك علي النبي .. إتعود ديمًا إن ده يكون شكل الدعوة والتقفيلة بتاعتها .. عشان توصل بشياكة ويكون فيها كل أسباب القبول وكاملة بإذن الله .. طيب أنا جبت الكلام ده منين! .. جبته من النبي نفسه لأنه هو اللي قال في حديثه الصحيح : كل دعاءٍ محجوب " محجوز " حتي يصلي علي النبي .. إرمي سهام الدعاء وخلي الصلاة علي النبي مصحباها ، وببركتها هترشق وتصطاد الإستجابة بإذن الله .

بقلم : أحمد أيمن

تحرير الدعاء

تحرير الدعاء

للمشاركة انت بحاجه الى تسجيل الدخول او التسجيل

التسجيل

تسجيل الدخول