الإنسان هو الأزمه
صفحة 1 من اصل 1 • شاطر
- Admin
مؤسس المنتدى
- دولتى :
عبر عن حالك :
الجنس :
العمل :
هوايتك :
السمعة :
تاريخ الميلاد : 01/01/1991
العمر : 33
تاريخ التسجيل : 17/02/2020
المساهمات : 414
نقاط التميز : 8957 -
Admin الجمعة أبريل 10, 2020 11:28 am
جديد ينشر لاول مره من أهم النصوص اللي كتبتها
و أتمني ياخد حقه الدعوة لقراء الشعر اللي هنا .. 
- الإنسان هو الأزمه -
الناس بتموت
و بقينا خلاص ارقام عداد
زي البنزين
و كل يومين تنك الاحزان لما بيخلص
بيزورنا الموت
و الأرض و هي بتبكي تقول
طب عايز كام ؟!
يضحك و يقول
حط بخمسين
و يومين و التنك اما هيخلص
و اما المظلوم يبقي ضحيه
هطلب بزيادة و راح اقولك
حطتي بـ ميه
و فـ هذا الوقت
تحديدا وقت الدعم بيخلص مـ الدنيا
مبقتش انا فاهم احنا ازاي بنموت او ليه
أزمة و طرقات ملهاش نهايات
منغير حسابات و دخلناها
و الأرض خلاص مش مضطره
تشفع لحاجات مش حاباها
العالم مفزوع من فيرس
و الفيرس عادي مبيهموش
كل اللي اتصاب بالعدوي مكانش
مستني يموت و مموتهوش
سبحان الله
زرع المأساه و مهانش عليه نموت بالتدريج
مختارش الفقرا و قال موتوا
و لا حدد مين هيعاني و ينشر دي العدوي
صبح الانسان اللي بيلمس أسطح جافه
جرثومه لابد ان احنا نفوق و منلمسهاش
و الصوت الخارج م المسجد
صلو في بيتكم
قال يعني الناس كات بتصلي
انا فاكر مرة زمان صليت
في جنازة صاحب أبو صاحبي
خرج البقال من جوه المسجد بعصايه
زعقلي و قالي أخرج بره
ولا صلي و لا سابني أصلي
دلوقتي بقيت بشكر ضلي
علشان بيسيب بينا مسافه
مبقتش بسلم و لا بحضن
مش عايز احضن ناس خوافه
خايفين من شيء مش شايفينه
مع ان الخوف كان كل الخوف م اللي بيتشاف
الجوع اللي يصيب بني ادم اكله زباله
و الحرب الدايرة عشان الارض و حبة طين
مين المسئول عن وجع الشاب
اللي اسشتهد ابوه في فلسطين
مين المسئول عن بنت بتبكي و عايزة جهاز
مين المسئول عن خط الغاز
الخوف الظاهر في عيونكم
ده مجرد خوف علي مصالحكم
في ناس بتموت منغير فيرس
اتمني يكونوا في تفكيركم
و الدولة اللي الفقر ماليها
دلوقتي بقيت مصدر ارزاق
لبلاد عمرها كات تتخيل
يجي الوقت عشان تحتاج
سبحان الله
قادر يقلب موازين الكون كله في ثانيه
يقدر يوهب ثروات في بلاد لبلاد تانيه
انا بس يا رب اللي قاهرني
منظر انا عمري ما حسيت بيه
الكعبة يا رب !
ازاي مبقاش في الكعبة طواف
فين الحمامات اللي بتاكل حبات ع السقف
فين الاحرام
اهو ده اللي بجد يا رب حرام
رمضان هيعز عليه يجي
و البدر يعز عليه يكمل
منظرها وهي وحيدة جميل
لكن بوجود الناس اجمل
انا مش خايف
ولا حتي العدوي دي شغلاني
و فرضنا انا مت بمرضي
الدنيا هتتهد عشاني ؟
طبعا لأه
بالعكس هيرتاحوا و يفضي
مكان مشغول جوه الشقه
العالم مؤذي و يستاهل
درسك مفهوم
إنذارك باين اوي ليهم
كل اللي بيكفر بوجودك
الخوف دلوقتي اهو ماليهم
أنجدنا يا رب
يا تعدي الأزمه دي يا تاخدنا
علشان مبقاش في الكون أشياء ينفع تتحب .. !
بندور عـ الازمة و جاهلين
إن الانسان هو الازمه
يا نعيد حسابات الكون بهدوء
يا الدرس يكون ملغي و يصبح
ملهوش لازمه
بندور عـ الازمه و جاهلين
إن الانسان هو الأزمه .
بقلم : محمد عبد الفتاح
للمشاركة انت بحاجه الى تسجيل الدخول او التسجيل
يجب ان تعرف نفسك بتسجيل الدخول او بالاشتراك معنا للمشاركة
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
» كود تعريب أحصائيات المنتدى
» وانا وانتى بنا سلام
» شرحة لعة PureSRO
» ما هو الحب ؟
» مفتاح الأمان
» وجع الفراق
» tooltipster
» أكان من الصعب عليهم أن أصان
» كيف أحزن والله ربي
» خطبة عيد الأضحى قصيرة مكتوبة بتاريخ ٩ ذو الحجة ١٤٤٢ هـ
» تهنئة بمناسبة حلول عيد الأضحى المُبارك 1442هـ/2021م
» agreement إظهار شروط التسجيل في منتداك
» كود أضافة الوجة الضاحكة مثل الفيس بوك
» كود جافا وضع العلامة المائية للشخصية العامة على أحلى منتدى