التتبع اليومي لمرض كورونا ليوم الثلاثاء ١٧ مارس.

**Admin** · **Admin** الأربعاء مارس 18, 2020 11:26 pm

التتبع اليومي لمرض كورونا ليوم الثلاثاء ١٧ مارس. 1325353142

التتبع اليومي لمرض كورونا ليوم الثلاثاء ١٧ مارس. 90011577_10213782926122410_2157145623608950784_n.jpg?_nc_cat=108&_nc_sid=8bfeb9&_nc_ohc=qaDTHdMzZ4UAX9NZxar&_nc_ht=scontent.fcai2-1

الحمد لله وحده

كلام هام جدا في المقال عن الحالة المصرية

التتبع اليومي لمرض كورونا ليوم الثلاثاء ١٧ مارس.

العنوان الأبرز اليوم هو زيادة ملحوظة في كل دولة، الدولة اللي كانت بتزيد ب ٧٠٠ زادت ب ١٠٠٠ واللي بتزيد ب ٥٠ زادت ب ٢٠٠ كأن هناك من أراد أن يعاقب هذه البشرية جميعا وربنا يستر علينا بجد

عدد الحالات اليوم تجاوز ١٥ الف، عدد الوفيات زاد على ٨٠٠ وفاة الأكبر على الإطلاق في نمط تصاعدي مرعب للبشرية والله

بإجمالي يتجاوز ١٩٥ الف حالة ويقترب من ٨ آلاف حالة وفاة.

الصين مازالت تحتوي المرض بصورة ناجحة مسجلة ٢١ حالة جديدة و ١٣ وفاة.

إيطاليا مازلت البؤرة الأشد فتكا في العالم بأرقام مرعبة اليوم ٣٥٢٦حالة جديدة، ٣٤٥وفاة.

بإجمالي ٣١٥٠٦ حالة و ٢٥٠٣ وفاة منذ بدء الأزمة ومعدل وفيات وصل ل ٨ ٪ الأعلي منذ بداية الأزمة

اسبانيا اللي بتتصاعد بأرقام مخيفة وتجاوزت إيران وأصبحت ثاني أكبر بؤرة في العالم، سجلت اليوم ١٨٨٤ حالة جديدة و ١٩١ وفاة في أعلى رقم لها.

إيران ثالث أكبر بؤرة في العالم سجلت اليوم ١١٧٨ حالة جديدة و ١٣٥ وفاة بإجمالي ١٦١٦٩ حالة و ٩٨٨ وفاة لتتجاوز لأول مرة بمعدل وفيات ٦ ٪ سلم يارب سلم

أخبار كثيرة أن إيران أفرجت اليوم عن ٨٥ الف سجين مؤقتا لمنع انتشار العدوي لهم.

ثم ألمانيا وفرنسا

ألمانيا سجلت اليوم ٢٠٩٥ حالة جديدة رقم كبير جداا بالنسبة لما قبل ذلك و ٩ حالات وفاة جديدة وتصبح رابع أكبر دولة ع مستوى العالم

فرنسا سجلت اليوم ١٠٩٧ حالة، ٢٧ وفاة في أكبر رقم لها

تاني بعد ذلك ٦ دول أوروبية أرقامها تزيد كل يوم

هولندا النرويج الدانمارك النمسا سويسرا السويد.

هولندا فيها اليوم ٢٩٢ حالة و ١٩ وفاة، سويسرا ٣٨٩ حالة و٨ حالات وفاة ، بلجيكا ١٨٥ و النمسا ٣١٤ حالة جديدة.

الاعداد في أوروبا بتزيد زيادة مخيفة وكأن في سباق بين الدول وربنا يستر.

انجلترا ٤٠٧ حالة جديدة، ١٦ حالة وفاة.

أمريكا لأول مرة تتجاوز الف حالة مسجلة ١٤٩٦ حالة جديدة و ١٦ حالة وفاة.

خلينا ناخد دولة زي اسبانيا وهي حاليا البؤرة رقم ٢ في العالم كله ونبين كذا نقطة

اسبانيا اول حالة ظهرت عندها كانت يوم ٢٤ فبراير، بعد اسبوع يعني يوم ٢ مارس كان في ١٢٠ حالة،

مع بداية الأسبوع التالت يعني يوم ٩ مارس كان في ١٢٣١ حالة، اليوم ١٧ مارس اول يوم في الأسبوع الرابع اسبانيا سجلت ١١٧٤٨ حالة.

ده معناه ان الرقم في أسبوع واحد تضاعف ٩ مرات!

الوفيات بدأت يوم ٤ مارس بحالتين، بعد اسبوع يوم ١١ مارس كان في ٥٥ حالة توفت، يوم ١٧ مارس النهارده العدد ده وصل ٥٣٣ متوفي، يعني الرقم ده تضاعف ٩ مرات.

أنت متخيل المأساة !

معدل الوفيات اليوم في اسبانيا وصل إلى ٤.٥ ٪

وهي ثالث دولة بعد إيطاليا وإيران.

بالمناسبة من الأخبار المثيرة إن اسبانيا النهارده أعلنت تأميم جميع المنشئات الصحية الخاصة لمواجهة كورونا، ولم تحدد إلى متى ستظل هذه المنشئات تحت الإدارة العامة!

أوروبا التي يمثل سكانها نصف عدد سكان الصين أصبحت هي البؤرة الأولى في العالم من أكثر من ٤ ايام بإجمالي حالات تقترب من ٧٥ الف و ٣٥٠٠ حالة وفاة بسبب الكورونا

من ضمن الأخبار السيئة أن تجارب كثير أثبتت أن الفيروس airborne يعني ايه ؟

المفترض مع العطس أو الكحة بيخرج رذاذ، بيقع ع سطح، يتعدى الإنسان

لا، ده كمان الرذاذ ده لو الريح نقله لمكان آخر فده ممكن يعدي حد لأن الفيروس يستطيع العيش في الجو حسب درجة الحرارة والرطوبة ولوقت معين.

مصر من تاني

اليوم تم الإعلان عن ٣٠ حالة جديدة وحالتين وفاة بإجمالي ١٩٦ حالة و ٦ حالات وفاة حتى الآن

امبارح الحكومة أعلنت عن ٤٠ حالة جديدة وحالتين وفاة وإجراءات شديدة في ٣ محافظات الدقهلية، دمياط، المنيا بالمناسبة ال ٣ محافظات دول فيهم ١٢ مليون إنسان

مع عزل ٣٠٠ أسرة في بلقاس.

طيب معنى ده ايه ؟ معناه انك بدل ما كنت ف مرحلة ١ وهي احتواء وتتبع المرض قدر الإمكان، أنت دخلت مرحلة ٢ وهي انتشار سريع غير مرصود للفيروس

غير مرصود ديه لأن الحالات اللي هتكتشفها غالبا اضربها في عشر أضعاف.

يفترض طبعا ساعتها تعليق كل التجمعات من دروس ، امتحانات، سينما، كافيهات ، مولات ، اي أنشطة رياضية أو ثقافية ، قبل انفجار الأعداد

منع فئات معينة من الخروج الا بإذن زي كبار السن والحامل والمرضعة ومرضى ضعف المناعة ووو

مع عزل الحالات المشتبه فيها والكشف عن الفيروس وغيرها من الإجراءات

نرجع تاني ل بلقاس وديه مدينة في الدقهلية ، من حوالي ١٤ يوم مصري عايش ف إيطاليا مات ب كورونا ، مراته الإيطالية وفيه اوي راحت خدت جثته وراحت نزلت بيها ع مصر ، عدت عادي من غير إجراءات في المطار طبعا ، وصلت بلده

يلا يا بني أعمل عزا ، هوب صوان ٣ ايام ، سلامات أحضان قبلات قهوة شاي وشوية و٣ ايام كمان وسافرت، شوية لقوا ست ٦٠ سنه ماتت ، بيدوروا وراها لقوها تعاملت مع زوجة الرجل المتوفى ، بس يا سيدي الموضوع وصل دلوقتي ل حجز ٣٠٠ أسرة ف العزل الصحي هناك، يعني بالميت كده في ٥٠٠ حالة كمان وربنا يستر علينا

نقاط متنوعة

١- لما بيبدأ انتشار مرض جديد، منظمة الصحة العالمية بتحاول تتدارك الأمر وتحسب حسبتها وتعرف معدل انتشار المرض، ففي رقم بيسموه RO ده باختصار معناه (المتوسط الطبيعي لعدد الناس اللي ممكن تتعدى من شخص واحد فقط، في مساحة لم يظهر بها المرض من قبل)

الصورة ف الأسفل توضح هذا

٦ مجموعات من الباحثين مع باحثين من منظمة الصحة العالمية بعد دراسات كتيرة قالوا الرقم ده ما بين ١.٤ و ٢.٥، خالفهم في ده باحثين من الصين وقالوا الرقم بين ٣.٣ و ٥.٥ ، الأسبوع الماضي مجموعة بحثية بريطانية نشرت وقالت إن الرقم ٣.٨ وبعد داتا جديدة نزلت بالرقم ل ٢.٥

لو قلنا المتوسط ٣ حالات فده معناها ان كل حالة جديدة بتخلق جنبها ٣ حالات وهكذا بعد ١٠ دورات هتلاقي انسان واحد نقل المرض ع الاقل ل ٤٠ انسان وبعد شهر الرقم يوصل ل ٤٠٠ انسان.

٢- طيب ليه بنقول كده ، عشان تفهم ان دعوات التقليل من الاختلاط ده مش فراغ يا جدعان والله في الصورة تحت مقارنة لتوضيح أهمية تقليل الاختلاط ، ديه سياسة مهمة جدا للحد بكثرة من انتشار المرض، بعض الآراء بتفسر ليه الصين نجحت في الاحتواء وإيطاليا بتنهار من ضمنها شدة سياسة الصين في تنفيذ كلام الخبراء بينما كان في حالة تراخي إيطالية وقت حضانة المرض ليستيقظوا على كارثة.

٣- هل الرقم ده معناه كل لما يكون كبير يكون الانتشار أسوأ ، لا يلزم.

لأن الإنفلونزا مثلا معدلها ١.٣وبتصيب الملايين ، بينما سارس كان معدله أضعاف كده وأصاب عدد أقل بكتير، ففي النهاية ده عدد بيعبر عن فرصة معينة في الانتشار بيحكمه عوامل أخرى زي طبيعة الفيروس نفسه ، وكثافة المكان وطبيعة الوعي عند الناس .

وده خطأ وقع فيه بعض الزملاء الأفاضل وخدوا الرقم ده كأنه قرآن مثبت وبدأوا ينسجوا حواليه سيناريوهات كتير .

٤- في حاجة اسمها معدل مضاعفة المرض يعني لو النهارده ١٠٠٠ حالة في دولة س ومن ٣ ايام كانوا ٥٠٠ فده معناه ان لمرض بياخد ٣ ايام عشان العدد يتضاعف

طيب فايدته ايه ؟

اولا ده عدد تقريبي

ثانيا اقدر منه لو لقيت ان المعدل ده ثابت اتوقع نمو المرض واحاول من خلال ده احجمه واتعامل معاه واوفر الأدوات بتاعتي واجهز مستشفيات وهكذا

هذه عاشر مقالة حول كورونا وحول الأعداد في مختلف الدول اسأل الله ان ينتفع بها الناس وأن يزيد وعيهم وأن يرزقني القوة للاستمرار فهو عمل مجهد حقيقة

اتمني النشر لتعم الفائدة

#Corona19drm10

الرقم الأخير في الهاشتاج هو رقم المقالة ، هذه المقالة العاشرة ، يمكنك تغيير الرقم لتقرأ بقية المقالات .

للنشر على أوسع نطاق لزيادة الوعي .

بقلم : محمود مصطفى

التتبع اليومي لمرض كورونا ليوم الثلاثاء ١٧ مارس. 2945420679

التتبع اليومي لمرض كورونا ليوم الثلاثاء ١٧ مارس. 372121480

التتبع اليومي لمرض كورونا ليوم الثلاثاء ١٧ مارس.

التتبع اليومي لمرض كورونا ليوم الثلاثاء ١٧ مارس.

للمشاركة انت بحاجه الى تسجيل الدخول او التسجيل

التسجيل

تسجيل الدخول