معني الكَرب هو ضيق شديد بيحس بيه الواحد

**Admin** · **Admin** الخميس أكتوبر 08, 2020 4:05 pm

[postbg=https://i.imgur.com/8bhbqFF.png]

ربنا عالم بيك ، وعلشان كده إنت بتقرأ الكلمتين دول دلوقت .

- معني الكَرب هو ضيق شديد بيحس بيه الواحد ، وبيبقي نوعين .. نفسي، وجسدي .

أما النفسي .. زي الهم .. الغم .. الحزن .. الضيق .. الاكتئاب ، وغيرهم .

اما الجسدي .. زي أي تعب بيسبب خلل في جزء من أجزاء الجسم فيخليك مخنوق وحاسس بالضيق وقلة الحيلة .

- مفيش حد ربنا مبيختبرش ايمانه عن طريق الابتلاء.. وساعات الابتلاء بيبقي كرب نفسي او جسدي ،

سواء بيحصلك او يحصل لحد غالي عنك .. بس النبي ﷺ علمنا كلمة .. اللي يقولها وهو واثق في قوتها ودرجة تقدير ربنا ليها

ساعتها بيتخفف عنه الضيق اللي بيمر بيه .. تخيل الكرب اللي قالق نوم ناس كتير ومدوخهم السبع دوخات

ممكن بإذن الله يتحاش ويتشال عنك بالكلمة اللي علمهالنا النبي ﷺ .. وقبل ما اقولها .. عاوز اطلب منك طلب.. متستقلش بعمل

الجنة اللي هي سلعة ربنا الغالية بندخلها بكلمة ، وهي: لا اله إلا الله ، والنار بكلمة .. قانون الجاذبية إكتشفوه بسبب حاجة بسيطة ،

وهي تفاحة وقعت من علي شجرة ، والحرب العالمية اللي إتقتل فيها فوق ال ٥٠ مليون إنسان كان سببها ولد عنده ١٧ سنة !

فلما النبي ﷺ يعلمنا كلمة ضروري نآمن بيها ونعلمها لكل اللي يعز علينا وبيعاني يمكن تكون هي القشاية اللي هتنجده من بحر مشاكله الغريق

لأن اللي بيسيب كل حاجة بايد ربنا .. أكيد هيلاقي إيد ربنا في كل حاجة .. النبي ﷺ

كان بيقول وقت الْكَرب : لا إله الا الله العظيم الحليم ، لا اله الا الله رب العرش العظيم ، لا اله الا الله رب السموات ورب الارض ورب العرش الكريم .

مفيش حد سمعها من الصحابة الا لما رددها ، ولما قالها داق صداها وحس بمدي تأثيرها علي دنيته ، وكانت سبب كبير تفريج كربه ، وتيسير أموره .

فقول متوقفش : لا إله الا الله العظيم الحليم ، لا اله الا الله رب العرش العظيم ، لا اله الا الله رب السموات ورب الارض ورب العرش الكريم .

للمشاركة انت بحاجه الى تسجيل الدخول او التسجيل