الحزن المؤجل

**Admin** · **Admin** الثلاثاء أكتوبر 27, 2020 1:34 am

في حاجة أسمها "الحزن المؤجل" ومعناه إنه لما بيحصل حدث صعب للشخص ويكتم مشاعره من بكاء وحزن ويحاول يتظاهر بالقوة..المشاعر دي بتظهر بعدين وبشكل مفاجئ وعلى أبسط الأسباب..فتلاقيه يعيط ويصرخ على حاجة بسيطة وتافهة وفي واقع الأمر هو عياطه وحزنه ده كان متحوش وميعاده إتأجل.

وده شئ سلبي وخطر جدآ..

ف لما تلاقي حد زعلان أوي من موضوع ما يستاهلش الزعل ده كله ، إوعي تستهون بزعله ، الوجع ده وجعه هو " مش وجعك إنت ، يعني درجة زعله هو بس اللي يقدر يوصفها ، والأسباب كتير !!

الوجع و الزعل قايم علي مخزون قديم جوه كل واحد ، من طريقة تربيته ، من ذكريات متراكمة جواه ، من جروح قديمة سايبة أثار

وجروح عميقة جوااااه !!

علشان كده إوعي تستغرب درجة الزعل عند حد ، و تقول

"إيه لزمة ده كله" ، أصل كل واحد مخبي جوه نفسه كتير ، و بيطلع بالزعل ده ، اللي إنت مش شايفه و لا مقدره !!

قدر زعل الناس بكلامك الحلو ؛ وطولة بال ؛ و إجبر خاطرهم ؛ طيب مشاعرهم أوي ، وحس بيهم أوي أوي ، وكنت مصدر سعاده لهم وقت حزنهم وألامهم ؛ لإنهم أشد الحاجه لمن ياخد بإيدهم لبر الأمان ؛ أصل الوجع وجعهم هم مش وجعك ؛ ولا تتجاهل لان هيكون فااات الأواان..!!

"فلا تشتد بالنصح على مبتلي ، فتبتلي"

الحزن المؤجل

الحزن المؤجل

للمشاركة انت بحاجه الى تسجيل الدخول او التسجيل

التسجيل

تسجيل الدخول